मेगु जिं छुं नके मफु
ज्ञानी राजा मानन्धर
साहित्यकार
यें, नेपाः
चिनाखं ” मेगु जिं छुं नके मफु ”
गुलि चिइत स्वया थ्व नुग:
तर जिं चिइ मफु
नुगलय् छ हे जक
मेपिं नुगलय् तय् मफु
छ आ: जिम्ह जुइ मखुत
जिं थू , बांलाक हे सिउ
तर थ्व नुग:यात छु धायेगु
मेपिं नाप स्वाय् मफुत
छं धाइ कि आज्जु जीवनया पूवंकि
झी निम्हस्या दथुइ छु जुल ल्व:मंकि
तर छं मसिउगु खँ ला मखु
छन्त जिं ल्व:मंके मफु
थौं प्रणय दिवस धाल
छंगु लू न्ह्य:ने दं वल
नापला: वा द: ,चुप्पा सां नके जिं छन्त
मेगु छुं जिं नके मफु
गुलि चिइत स्वया थ्व नुग:
तर जिं चिइ मफु
नुगलय् छ हे जक
मेपिं नुगलय् तय् मफु…….
