जनताया हसना

दिव्या ताम्राकार
साहित्यकार
येँ, नेपाः ।

जनताया हसना

मखुथें न्हिलस्वः चुपिधाः ज्वय्काः
क्वछुके मखु छ्यं द्वनके मखु छुं ।
बरु वं क्वथुनाः द्यद्यतं हल न्हां
दन स्वः जनता सकलें छम्ह थें ।।

खुसिबाः वलथें लबु नं दन स्वः
जुरुरुं सकलें एकता क्यन स्वः ।
भुमिजा जिमिसं त्वलते मखु स्वः
बरु हुं छिमिथाय् समता जुइ स्वः ।।

जिमि भाय् जिमि संस्कृति न्हंकल सा
थव देय् जुइ स्वः मृत प्राण बिना ।
खनसा सकलें उतिग्यं उलि हे
जुल थ्व हसना छिमिसं थुलला ।।

(छन्द – तोतक)