ज्ञानी राजाया प्यपु मुक्तक

ज्ञानी राजा मानन्धर
साहित्यकार
यें, नेपाः

(१)
छिगु न्हिलासु सुनां मपनेमा
मिखाया ख्वबि सुनां मखनेमा
च्याना च्वनेमा लसताया मत
चलः वःसा नं सिना मवनेमा !

(२)
त्वने मययेक मययेक नं पालू त्वंका बिल
भचा भचा धाधां अन्ति छगलं प्वंका बिल
छु जक ल्वाकछ्याना त्वंकूगु खः मस्यु छं
न्ह्यः वयेकेत छसलिं त्वनेगु करं क्यंका बिल !

(३)
ख्वबिं जाःगु मिखां झीसं झीगु म्हसिका मालाच्वना थौं तक
स्याःचाःगु नुगलं थःगु अधिकारया निंति हालाच्वना थौं तक
देसं तानाशाही च्वतुक्क वांछ्वयेत भविस्य बलिदान बियापिं झी
तर थःगु थाय् बाय् लुतिंका नं थःत थम्हं हे पालाच्वना थौं तक

(४)
राजस्वया करं कातु काकाः स्यानाच्वंगु दु
जनता धाःसा डरं कोरोनां ग्यानाच्वंगु दु
देश यकःति नेतातये दुई तिहाई हैकमया रजाई
नेतां सत्ताया भरं देश ला त्याःथें त्यानाच्वंगु दु ।