चिबाखं “धौयात भौ पासा “

चिबाखं “धौयात भौ पासा “

साहित्यकार ज्ञानीराजा मानन्धर

आसा नारांचां फेसबूकय् छगू बुखँ खन ।

व बुखँ खनेवं हे कला:म्हेसित ” जिं फेसबूकय् छगू बुखँ ब्वनागु । बिदेशी बजारय् वह:या माग उप्प्व: जुजुं वनाच्वंगुलिं लुँया भा: कुहां वयाच्वंगु दु हं । आ: छतलाया ५०००० धका: च्वयातल बुरि । न्हापांगु लकडाउनया इलय् छगू लख सिकं उप्प्वः थ्यंगु ख: । मेगु दँय् नं लकडाउन मजुइ धाये मफुनि । कोरोना ल्वय्‌या ग्याःचिकु ल्यं हे दनि । । आ: न्यानातल धा:सा व ई तक ला दुगंछि गथे मजुइ ?”

कला:म्ह नं भा:तया खँ न्यना: धौयात भौ पासा थें उत्साहित जुया: धाल ” धाथें खः ला ? का सा का । न्याना हे तये माली का । ध्यबा ला दूगु मखु झीके । सुयाकें त्याय् कयाः ज्यूसा न्याना तयादिसँ ले सा । “

बुरिया खँ न्यना: आसानारांचा ” छाय् उखेंथुखें त्याय् कयाच्वने माल । ब्याज पुपुं हाफ्व: स्वां ह्वै । उकिं छंगु गुलि नं लुँया तिसात दु । व फुक्क मिया: न्यायेगु का । ध्यबां ध्यबा साली धा: थें लुं, लुँ साले का झी, मज्यू ला ? “

” छाय् मजी थें का । छिं हे दयेका बियात:गु ख: । मा:बलय् ज्या वैगु जुल का ” धया: लय्‌ताल ।