गजल “जीवन दतलय्”

कृष्ण दास जोशी
साहित्यकार

गजल “जीवन दतलय्”

थुनां चूसां म्वायेमानि जीवन दतलय्
लँय् वैच्वंगु कं फ्वायेमानि जीवन दतलय् ।

खःचाः न्यताः स्यकुनां वःथें च्वं भचा भचा
अय्नं जिं थःतः घ्वायेमानि जीवन दतलय् ।

स्वापू तयेगु बांलाः न्ह्यामनापं मनू जुयाः
स्यंगु स्वापू हे स्वायेमानि जीवन दतलय् ।

लँपंख्याः वई छूं याये मफय्क ख्याय्तः
ख्याईपिं नापं ल्वायेमानि जीवन दतलय् ।

सीके बीमखु बुलुमि घाँय्म्वः त्वपुयाःसां
छन्हुला छन्हु ग्वायेमानि जीवन दतलय् ।

Leave a Reply

Your email address will not be published. Required fields are marked *