गजल – वनेत्यना गन, गन थ्यन, जि जिं हे मस्यू
च्वमि कृष्ण दास जोशी
गजल – वनेत्यना गन, गन थ्यन, जि जिं हे मस्यू
वनेत्यना गन, गन थ्यन, जि जिं हे मस्यू
ज्या याना द्वन, गन स्यन, जि जिं हे मस्यू ।
सुथां लाकेगु आजु ज्वनां न्ह्यांवनाम्ह जि
छु जुयाः, गन तक्यन जि, जिं हे मस्यू ।
अंगः दं वैगु पंगः जुयाः न्ह्यावलें जितः
मस्यु थन, छु जइत्यन, जि जिं हे मस्यू ।
न्यिलागु खः खिपः जगत हे भिंकेतः
गथे जुयाः गन ब्यन, जि जिं हे मस्यू ।
नुगः दु जि नं सेवा याये मांया धया खः
विवशतां गन थ्यंके यन, जि जिं हे मस्यू ।