चिबाखं “खायूगु सत्य “
२५ कार्तिक २०७८ ।
साहित्यकार ज्ञानीराजा मानन्धर
येँ ।
चिबाखं – “खायूगु सत्य”
ता: इलंनिसें क्यान्सर ल्वचं कयाच्वंम्ह राच्चा मन्त । घाटय् सना: व:पिं ग्वा: ग्वा: । फांगा त:व:पिं सतीपिं थ:थितिपिनिगु ख्व:सलं अन वयाच्वंपिं सकलसिया नं मिखाय् ख्वबि ल:ल:धा: ।
सीम्हेसित फांगा तया: ह्वाँय् ह्वाँय् ख्वया वंपिं मदुम्ह राच्चिया सतीपिं निम्ह मिस्त भचा तापाक्क थ्यने धुंका: छम्ह ” तस्कं हे म्हाइपुल का ह ला ? स्वन्ति नख: न्ह्य: हे मदये मा:गु ला ? स्वन्ति हे फ्यासुस्से च्वनीगु जुल का थुगुसी ” धया: ख्वा: ख्युंकल ।
मेम्ह ” व हे ला धैगु । झं थुगुसी न्यादँ लिपा बिदेसं व:म्ह किजायात किजा पूजा यायेमानि धया: गुलि लय्ताया च्वनाम्ह जि । स्वन्ति छगू क्वचायेका: वंसा छु पाइगु ख: मस्यु । “